Ditame do XVI Premio de Poesía Fiz Vergara Vilariño

Ditame do XVI Fiz Vergara VilariñoO mércores 15 de xuño, ás 19:00 horas, na casa do concello de Sárria abriremos a plica da obra gañadora do XVI Premio de Poesía Fiz Vergara Vilariño, logo da derradeira deliberación.
O xuri está composto por Yolanda Castaño, Marcos Abalde e Baldo Ramos, con voz e voto, e actúan como presidenta a concelleira de cultura de Sárria, Mónica López e como secretaria a presidenta de Ergueitos, María Casar.

Entrega do IX Premio de poesía Fiz Vergara Vilariño

O pasado día 14 de marzo fallouse en Sárria a IX edición do Premio de Poesía Fiz Vergara Vilariño. O gañador é o poeta Baldo Ramos. Os membros do xurado desta edición do premio que organiza a Asociacion Cultural Ergueitos e patrocina o Concello de Sárria foron: Pilar Pallarés, Lucía Aldao, Xosé Antón Neira Cruz (gañador da VIII edición), Xermán Arias (concelleiro de Cultura do Concello de Sárria) e María Casar (presidenta de Ergueitos).
A cea de entrega do premio terá lugar o día 25 de abril no hotel NH Alfonso IX de Sárria dentro dun acto poético-musical que dará comezo ás 19: 30 horas e irá seguido dunha cea.
A mantedora do acto será Olalla Cociña e intervirán os membros do xurado, o gañador, o artista plástico Iván Prieto, así como o concelleiro de cultura e a presidenta de Ergueitos.
A música nesta ocasión correrá a cargo do grupo de jazz Maní & Cupeiro Quartet. Gustaríanos contar contigo nesta festa da poesía.
Pódedes facer reserva de tarxetas para a cea no hotel Alfonso IX (982 530 005) ou nos teléfonos 678 60 15 50 (María) e 677 429 225 (Xerardo).

Agardámosvos.
A. C. Ergueitos